Əvvəlcə MSK sədrinin müavini Svetlana Qasımova bəzi seçki dairələri dairə seçki komissiyalarının tərkibində dəyişikliklər edilməsi məsələsi ilə bağlı məlumat vermişdir. Komissiya 24 saylı Nizami birinci və 29 saylı Səbail seçki dairələri dairə seçki komissiyalarının tərkibində dəyişikliklər edilməsi barədə qərar çıxarmışdır.
Sonra Mərkəzi Seçki Komissiyasının katibi Natiq Məmmədov MSK-ya daxil olmuş müraciətlər haqqında məlumat vermişdir. 33 nəfər vətəndaşin şikayət ərizəsinə baxılmış və onlardan 32 nəfərin namizədliyinin qeydə alınması barədə qərar qəbul edilmişdir.
Komissiya cari məsələlərə də baxmışdır.
Mərkəzi Seçki Komissiyasının iclasında yerli kütləvi informasiya vasitələrinin nümayəndələri iştirak etmişlər.