Əvvəlcə Komissiya sədri Azərbaycan Respublikası bələdiyyələrinə yeni seçkilərin tarixinin təyin edilməsi məsələsini müzakirəyə çıxarmışdır. Mərkəzi Seçki Komissiyası bələdiyyə seçkilərinin 2004-cü il dekabrın 17-nə təyin olunması haqqında qərar qəbul etmişdir.
Sonra MSK katibi Natiq Məmmədov bələdiyyə seçkilərinin hazırlanıb keçirilməsi üzrə əsas hərəkətlərin və tədbirlərin Təqvim panının təsdiq edilməsi barədə məlumat vermişdir. Təqvim planı Komissiya üzvləri tərəfindən təsdiq olunmuşdur.
Mərkəzi Seçki Komissiyasının katibi Vidadi Mahmudov bələdiyyə üzvlüyünə namizədlərin müdafiəsi üçün seçici imzalarının toplanması ilə bağlı imza vərəqələri nümunələrinin təsdiq olunması barədə təkliflə çıxış etmişdir. Komissiya bu sənəd nümunələrini təsdiq etmişdir.
Mərkəzi Seçki Komissiyasının iclasında Seçki Sistemləri üzrə Beynəlxalq Fondun, ABŞ səfirliyinin, yerli və xarici kütləvi informasiya vasitələrinin nümayəndələri iştirak etmişlər.